Засгийн газраас Зөвшөөрөл, мэдэгдлийн тухай хуулийг өргөн мэдүүлжээ.

ЗГХЭГ-ын дарга Н.Учрал:

-Засгийн газрын зүгээс зөвшөөрлийн тухай хуульд нэмэлт өөрчлөлт оруулах хуулийг өргөн мэдүүллээ. Өнгөрсөн хугацаанд цахим мөрийтэй тоглоом, бооцоот тоглоом, төлбөр тааврын талаар олон нийтийн хэлэлцүүлгүүд өрнөсөн. Монгол Улсын нутаг дэвсгэрт тусгай зөвшөөрөлгүй үйл ажиллагаа эрхэлж байгаа 1хbet гэсэн сайтаар дамжуулж 2024 онд 1,7 их наяд төгрөг буюу 500 сая ам.доллар агентууд буюу зуучлагчаар дамжуулж гарсан байна. Монгол банкнаас өнөөдөр авсан мэдээллээр нэг, хоёрдугаар сард 87 сая ам.доллар гарсан байна.

Гадаад улсад бооцоот тоглоомыг хэрхэн зохицуулдаг талаарх судалгааг хийсэн. Энэ хүрээнд 2024 оны есдүгээр сарын байдлаар Ази, Номхон далайн бүс нутгийн улс орнуудын 46 улсаас 21 улс нь цахим мөрийтэй тоглоомыг бүхэлд нь хууль бус гэж үзэж, эрүүгийн хариуцлага оноодог.
Засгийн газрын бодлого бол зөвшөөрлийн тухай хуулиар төлбөр таавар, бооцоот тоглоом, цахим мөрийтэй тоглоомыг бүхэлд нь хориглож, зөвшөөрлийн хуулиас энэ төрлийн үйл ажиллагаа эрхлэх тусгай зөвшөөрлийн заалтыг хасаж байна.

• Төлбөр таавар, бооцоот тоглоом, цахим мөрийтэй тоглоомын үйл ажиллагаа эрхлэх
• Зуучлах буюу агентууд 
• Төлбөр таавар, бооцоот тоглоом, цахим мөрийтэй тоглоомыг хэвлэл мэдээллийн хэрэгслээр олон нийтэд сурталчлахыг хориглож байна.
• Хэрвээ зохион байгуулалттай тоглосон бол зөрчлийн хуулиар торгууль ногдуулах нь зүйтэй гэж үзсэн.

---