Засгийн газрын хуралдааны шийдвэрийг танилцууллаа.

Зам, тээврийн сайд Б.Дэлгэрсайхан:

-Экспортыг нэмэгдүүлэх Засгийн газраас томилсон ажлын хэсгийн хүрээнд ЗТЯ-наас тээвэрлэлтийг хэвийн явуулах, сайжруулах, зардлыг багасгах хэмнэх боломж бололцооны талаар Сангийн сайд, Уул уурхайн сайд, Зам тээврийн сайд нар бүх боомтуудаар тойроод ирсэн. Монголын төмөр замын Зүүнбаян-Ханги мандал чиглэлд явж байгаа төмөр замын тарифыг 50 хувиар бууруулсан. Өөрөөр хэлбэл, суурь бүтцийн тарифыг 50 хувиар бууруулсан.

Харин дээгүүр нь явж байгаа хөдлөх бүрэлдэхүүний оногдсон тарифыг бууруулах боломжгүй. Яагаад гэвэл зүтгүүр явдгаараа явна, түлш зарцуулдгаараа зарцуулна. Ажиллаж байгаа хүмүүсийн цалин хөлсний зардлууд хэвээрээ гардгаараа гарна.

Баригдсан төмөр замын суурь бүтцийн зардлыг бууруулах нь хэвийн зүйл. Төмөр зам олон жилийн настай, 100 жилээр ашигладаг. Тавантолгойн төмөр замын тарифыг суурь бүтцийг барьсан өртөгт нь тооцон тарифаа тогтоосон учир өндөр гарч байсан. Тиймээс төмөр замыг урт хугацаанд ашиглаж, өртгөө нөхнө гэж үзсэн тул тарифыг бууруулах шийдвэр гаргасан гэв. 

---