Фиба 3х3 сагсанбөмбөгийн Ази тивийн аварга шалгаруулах тэмцээн өнөөдөр албан ёсоор эхэлж байна. 

Сингапур улсад энэ сарын 26-наас 30-ны хооронд зохион байгуулагдах Фиба 3х3 сагсанбөмбөгийн Ази тивийн аварга шалгаруулах тэмцээнд 48 баг оролцож байгаагаас үндсэн шатанд эрэгтэй, эмэгтэй тус бүр 12 улсын баг өрсөлдөх юм. Эрэгтэйчүүдийн төрөлд монгол баг бүх багийн тэргүүлэн өрсөлдөх бол эмэгтэйчүүдийн хувьд монгол баг дэд байранд буюу В хэсгийг тэргүүлэн өрсөлдөхөөр болоод байна. 

Монголын эрэгтэй, эмэгтэй багууд үндсэн хэсэг тэргүүлэн өрсөлдөх тул урьдчилсан шатны тоглолтууд дууссаны дараа талбайд гарах ба дараах хуваарийн дагуу тоглоно. 

Монголын багуудын тоглолтын хуваарь:

Гуравдугаар сарын 29-ний өдөр (Бямба гараг)

Монголын эмэгтэй баг:

14:55 цагт
Тайван, Энэтхэг, Хонг Конг, Гуам зэрэг урьдчилсан шатны В хэсгийг тэргүүлсэн багтай тоглоно. 

19:45 цагт
Тайландын багтай

Монголын эрэгтэй баг:

18:55 цагт
Тэмцээнийг зохион байгуулагч Сингапурын багтай тоглоно

20:35 цагт
Малайз, Индонези, Хонг Конг, Бахрайн, Гуам зэрэг урьдчилсан шатны А хэсгийг тэргүүлсэн багтай тоглоно.