"Д.Цогтбаатарын асуудлаар Улсын Дээд шүүхээс хариу ирмэгц, түүнийг чөлөөлөх асуудлыг байнгын хороо хэлэлцэнэ" гэж УИХ-ын Төрийн байгуулалтын байнгын хорооны дарга Ж.Бат-Эрдэнэ хэлж байна. 

УИХ-ын Төрийн байгуулалтын байнгын хорооны дарга Ж.Бат-Эрдэнэ:

-Үндсэн хуульд гэмт хэрэг үйлдсэн нь тогтоогдсон бол УИХ шийдвэр гаргаж, эгүүлэн татна гэсэн заалт байгаа. Гэхдээ хэрхэн, яаж татах гэх зэрэг процедур байхгүй юм билээ.

Магадгүй хуульд өөрчлөлт оруулж, шинэ заалт нэмэх шаардлага үүсэхийг үгүйсгэх аргагүй. Хуулийн өмнө хүн бүр эрх тэгш байх ёстой. Шүүхийн шийдвэр нэгэнт гарсан бол шүүхийн шийдвэрийг биелүүлэх ёстой. Заалт дутуу бол үүнийг нэмэх л ёстой. Д.Цогтбаатар гишүүн Үндсэн хуулиа зөрчөөд байна. Бид ч мөн асуудлыг нь шийдэж өгөхгүй хууль зөрчөөд байна. Д.Цогтбаатарын асуудлаар Улсын Дээд шүүхээс хариу ирмэгц, түүнийг чөлөөлөх асуудлыг байнгын хороо хэлэлцэнэ гэв.

---