Ерөнхий сайд Л.Оюун-Эрдэнийн Өдрийн сонинд сэтгүүлч Э.Энэрэлтэй ярилцжээ. Тус ярилцлагаас онцлох ишлэлүүдийг хүргэж байна.

-Уул уурхайн экспорт өсөхөөр уул уурхайн компани, түүнтэй холбоотой цөөн аж ахуйн нэгжүүд үр ашгийг нь хүртэж, төсвийн орлого нэмэгдсэнээр цалин тэтгэвэр тэтгэмж өсдөг ч уул уурхайн бус салбарын хувийн хэвшил, баялаг бүтээгчид өрсөлдөх чадвар, хүний нөөцөө алдаж эхэлдэг сул талтай.

-2021 онд 43 их наяд байсан ДНб энэ жил 80 их наяд болсон. 40 литрийн бидон, 80 литрийн “поошиг” болох чамлахааргүй үзүүлэлт.

-Улсын төсвөөс хайгуул хийгдсэн стратегийн ийм том ордын хувь хэмжээг тогтоосон эрх зүйн актуудад дүн шинжилгээ хийх нь аль ч улсын Засгийн газар, УИХ-д байх л ёстой хэм хэмжээ.

-Ашигт малтмалын газрын даргаар ажиллаж байсан нөхөр ийм хэмжээний ордын лицензийг өөр дээрээ авах эрхтэй байсан уу, Засгийн газар тогтоол биш тэмдэглэлээр эрх шилжүүлэх нь эрхзүйн акт мөн үү.

-Засгийн газар Кока кола, Юнител, Скай резорт, Шангрилла-гийн түрээсийн асуудалд орооцолдоод байгаа зүйл огт биш, стратегийн орд хуулийн дагуу очсон эсэхийг л нягталж байгаа юм.

-Үндэсний баялгийн сангийн асуудлыг өргөн агуулгаар нь харах нь зүйтэй. Эрдэнэтийн 49 хувь, Оюутолгойд үүссэн өр, Тавантолгойг тойрсон асуудалд Засгийн газар анхаарал хандуулахгүй байхын аргагүй.

- Д.Эрдэнэбилэг ч Сингапурт сонгуулийн дүн харж зөндөө л удах шиг боллоо. Эрдэнэт үйлдвэрийг буцаах санаархал нь хэзээ ч биелэхгүй.  Одоо харин тооцоогоо дуусгах нь зүйтэй.

-Тагнах чагнах асуудалд зөвхөн нэг байгууллага ч биш, ийм асуудал хэд хэд гарсан. Прокурорын зөвшөөрөлгүй хэн ч хуулиас давж, иргэдийн хувийн мэдээлэлд халдах, тусгай төхөөрөмж ашиглан гүйцэтгэх ажиллагаа явуулах эрхгүй.

-MSC компанитай санал зөрөөд байгаа зүйл  юу ч байхгүй. Ганцхан стратегийн орд тойрсон асуудал л байна.Гэнэт л жижиг Тавантолгой, Ухаа худагийг цогцоор нь ашиглах нь зөв тухай, Тавантолгой ордын 51 хувийг эзэмшинэ гэдэг хэлцэл болж хувирсан. Манай талаас ингэхгүй л бол гэрээ явахгүй гэж тайлбарласан протоколууд нь бүгд бий.

-Уг нь 2004 онд зүгээр л хоёр улсын Засгийн газар хоорондоо гэрээ байгуулаад Тавантолгойн нүүрсээрээ төмөр замын тал өртгөө төлнө гээд явсан бол ДНБ аль эрт 10 мянган долларт хүрчих байлаа.

-Үнэхээр үнэн бол би үнэн гэчихье. Бид хоёр /жүжигчин О.Дөлгөөн/ хамт кофе ч ууж үзээгүй хүмүүс. Надаас болж нэг хүнийг хэлмэгдүүлж гүйцэж байх шиг байна.

-Х.Баттулга гэж хүнтэй үзэл бодол таардаг, таардаггүй зүйл олон бий. Үнэндээ мань хүнийг Ерөнхийлөгч байх үед хойд талын хар овоохой гэдэг шиг Нямбаа бид хоёр л сөрж зогсдог байсан байх. Бүрэн эрхээ хэрэгжүүлж байхад нь одоо бүлтрээд байдаг нөхдүүд урт урт хадаг, бурхан барьчихсан ордонд явж байдаг байсныг санадаг л байх.

-Би түүнийг /Ч.Лодойсамбуу/ гишүүн болохоос нь өмнө уулзаж ч байгаагүй. Утсаар ч харилцаж үзээгүй. УИХ-ын гишүүдэд эргэлзээтэй зүйл байгаа бол уулзчих боломж нь байдаг шүү дээ. Нүүр тулж уулзалгүй улс төрийн дүгнэлт хийнэ гэдэг сайн зүйл биш.

-Одоо Ерөнхий сайд Ч.Сайханбилэг ирээд шүүх дээрээ учраа олчих хэрэгтэй. Өөрөө ирэхгүй бол хөөгдөж ирж ч магадгүй нөхцөл байдал үүсч байх шиг байна шүү.

-Ардчилсан орон шүү дээ. Хүмүүс үгээ хэлж, үзэл бодлоо илэрхийлэх ёстой. Бас энэ том төслүүд тус бүрдээ динамиктай. 14 мега төсөл хөдөлгөнө гэдэг 14 удаа асуудал өргөн баригдах хэмээнд сэтгэлзүйтэй байх л хэрэгтэй. Улс төр бас тэмцэл шүү дээ.      

-Ер нь бүх зүйлээ, бүх хөзрөө дэлгээд байж болохгүй албан тушаал. Мега төслүүд дээр ч хамаагүй тайлбар илүү санагддаг.

---