Эрүүл мэндийн даатгалын ерөнхий газраас гэрээт эрүүл мэндийн байгууллагуудад Эрүүл мэндийн даатгалын үндэсний зөвлөлийн шинэ болон шинэчлэн баталсан тогтоолууд, холбогдох хууль, журмыг танилцуулах, зөвлөгөө, мэдээлэл өгөх сургалтыг тогтмол зохион байгуулдаг.

Энэ хүрээнд ЭМДҮЗ-ийн 2025 оны 04, 05 дугаар тогтоолын өөрчлөлтүүдийг танилцуулах, сургагч багш бэлтгэх сургалт эхэллээ. Сургалтад 65 гаруй эрүүл мэндийн байгууллагын 70 гаруй удирдах ажилтан, эмч, мэргэжилтэн хамрагдаж, шинэ тогтоолуудын талаар дэлгэрэнгүй мэдээлэл авахын зэрэгцээ мэргэжил, арга зүйн зөвлөгөө авч, сургагч багшаар бэлтгэгдэх юм.

Цаашид сургагч багшаар дамжуулан шинэчилсэн тогтоолуудын өөрчлөлтийг эмнэлгүүдэд түгээж, хэрэгжилтийг сайжруулах, мэдээллийн хүртээмжийг нэмэгдүүлэх зорилготой.

---