УИХ-ын Байгаль орчин, хүнс, хөдөө аж ахуйн байнгын хорооноос "Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл" ерөнхий хяналтын сонсголыг өнөөдөр Төрийн ордонд зохион байгуулж байна.

Анагаах ухааны доктор Г.Ууганцэцэг:

-2017-2025 он хүртэл нийт 794 хүн угаартаж нас барсан. Би таван жил шүүх шинжилгээний статистик тоон мэдээлэл дээр ажилласан. 2023, 2024 оны дүн мэдээг холбогдох газраас авсан. Шахмал түлш хэрэглэж эхэлсэн 2018 оноос хойш 720 хүн нас барсан байна. Эдгээр хохирогчдын ар гэр хэчнээн их зовж шаналсан бол. Төр шахмал түлш үйлдвэрлэсэн бол хариуцлага ч хүлээх ёстой. Нэг жилийн өмнө “0-5 насны 365 мянган хүүхэд утааны гол хохирогч болж байна” хэмээн 440 тэрбумын хохирол нэхэмжилсэн. Гэтэл шүүхээс нотлох баримт дутуу гэж буцаасан. Өнөөдрийн хяналтын сонсголоос маш олон нотлох баримт гарч байна. Тэгэхээр 2018 оноос хойш угаартаж нас барсан нэг иргэнд нэг тэрбум гээд 720 тэрбумын хохирлыг Төрөөс нэхэмжилнэ гэв.

---