УИХ-ын дарга Д.Амарбаясгалан Говь-Алтай аймгийн Бигэр сумын иргэдтэй уулзаж, УИХ-ын намрын чуулганаар хэлэлцэн баталсан хууль, парламентын бодлого, үйл ажиллагааны талаар танилцуулжээ.

УИХ-ын дарга Д.Амарбаясгалан Монгол Улсын эдийн засгийн боломжийг нэмэгдүүлэхийн төлөө шинэ парламент зоригтой ажиллаж, өнгөрсөн 30 жилийн хугацаанд хөдөлгөж чадаагүй мега төслүүдийг эхлүүлэх алхмыг хийсэн. Баруун бүсийн иргэд өөрсдийн гэсэн зах зээлтэй болж, орон нутагтаа ашиг орлоготой амьдрахын тулд авто зам, дэд бүтцийн бүтээн байгуулалт, боомтын сэргэлтийг бий болгохоор ажиллаж байна. Түүнчлэн Алтай-Бургастай боомт хүртэлх 278 км авто замын зураг төсөл боловсруулах ажил эхэлсэн бөгөөд бүтээн байгуулалт ирэх онд хэрэгжихээр байна. Тус авто зам ашиглалтад орсноор Шарга, Бугат, Цээл, Алтай сумд аймгийн төвтэйгөө авто замаар холбогдох боломж бүрдэнэ гэх үгийг хэлсэн юм.

---