Ирэх хоёрдугаар сарын 1-нээс эхлэн нийтийн тээврийн автобус шинэчлэн тогтоосон тариф буюу 1000 төгрөгөөр үйлчилж эхлэх ажээ. 
Энэ талаар Нийтийн Тээврийн Бодлогын Газрын Захиргаа, удирдлагын хэлтсийн дарга З.Цэвээндорж:
-Нийтийн тээврийн үйлчилгээнд удирдлага мэдээллийн цахим систем 2015 оноос хэрэгжсэн. Мөн 2024 оноос зорчигч тоолох системийг хэрэгжүүлж эхлээд байна. Энэхүү хоёр системээр хоёрдугаар сарын 1-нээс эхлээд Нисэх, Багануур, Багахангай чиглэлээс бусад чиглэлд 1000 төгрөгөөр зорчих нөхцөлийг хангаад байна. Нисэх, Багануур, Багахангай чиглэлд зорчихдоо тухайн тогтсон чиглэлийн төлбөрөө төлөөд явна.
Зорчигч тоолох системээр банкны картаа уншуулах боломж хэвээр байгаа. Банкны картаар дамжин суух боломжгүй. Харин автобусны UB картаар дамжин суух боломж нь хэвээр байна.
Зорчигч тоолох UB картыг 100 байршилд байгаа коск машинаас авах боломжтой гэлээ. 

---