"Хавар уралдаан зохион байгуулах гэж байгаа бол насанд хүрсэн хүнээр морио унуулах ёстой" гэх байр суурийг УИХ-ын гишүүн, Хүний эрхийн дэд хорооны дарга С.Эрдэнэболд илэрхийлж байна. 

УИХ-ын гишүүн, Хүний эрхийн дэд хорооны дарга С.Эрдэнэболд:

-Аливаа шийдвэрийг сэтгэл хөдлөлөөс ангид судалгаа шинжилгээтэй гаргах ёстой юм.

Монгол соёл өв уламжлалдаа хайргүй хүн гэж байхгүй. Хүүхдийн эрх гээд адууны соёлоо үгүйсгэж болохгүй. Гэхдээ цаг агаарын хүнд нөхцөлд насанд хүрээгүй хүүхдийг хурдан морь унуулах нь зөв буруу гэдэг дээр л талууд талцаж байна. Өнгөрсөн хугацаанд 40 хүүхэд нас нас барсан гэдэг гашуун мэдээ байна. Энэ бол зөвхөн бүртгэгдсэн. Бүртгэгдээгүй олон асуудал үүссэн ч байхыг үгүйсгэхгүй шүү. Үнэхээр мэргэжлийн спортын төрөл рүүгээ орж байгаа юм бол хавар, өвлийн улиралдаа насанд хүрсэн хүн унах нь зөв гэдэг хувь хүний байр суурьтай байна гэв. 

---