"Электрон болон утаат тамхинд ижил хэмжээтэй өндөр татвар тавьж байж, хэрэглээ буурна" гэж УИХ-ын гишүүн О.Номинчимэг хэлж байна.

УИХ-ын гишүүн О.Номинчимэг:

-Электрон тамхийг тамхины хяналтын хуулийн хяналтад оруулна. Ингэснээр тусгай зөвшөөрөл шаарддаг болно, зар сурталчилгаа хийх нь хориглогдоно. 21 насанд хүрээгүй хүүхдэд худалдаалахгүй болох юм. Электрон тамхины хэрэглээ өндөр байна. Тамхи тамхин бүтээгдэхүүний татварыг дорвитой тавьж байж, тамхидалтаас иргэдээ хамгаална гэж үзэж байна. ДЭМБ-аас өгч байгаа зөвлөмжөөр электрон, янжуур тамхины татварыг жигд байлгах нь зүйтэй гэж байгаа. Өөрийн өртгийн 75 хувиас доошгүй байх татварыг олон улсад уриалдаг юм байна.
Харьцуулсан судалгааг хийж байгаад татварын хувь хэмжээг гаргана. Ер нь аль аль нийтийн эрүүл мэндэд хортой учраас ижил татвар оногдуулах нь зүйтэй гэх байр суурьтай байгаа гэв.

---