“Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төслийг маргааш намрын ээлжит хаалтын чуулганаар хэлэлцэнэ.

УИХ-ын гишүүн П.Сайнзориг:

-“Нийслэл Улаанбаатар хотын 2020 оны хөгжлийн ерөнхий төлөвлөгөөний хэрэгжилт 29 хувьтай байгаа. Гол шалтгаан нь төсөв мөнгө, хууль эрхзүйн орчноо бүрдүүлж чадаагүй. Хотын өнөөгийн байдал төлөвлөлт хэрэгжиж чадаагүйн тод илрэл. 2040 он хүртэлх хөгжлийн ерөнхий төлөвлөгөө дээр суурь дэд бүтцийн тэлэлт, агаар, хөрсний бохирдол, түгжрэл шийдэхэд төр, хувийн хэвшлийн түншлэлээр бүтээн байгуулалтуудыг хийнэ.

Мөн Яармагаас Энхтайвны өргөн чөлөө дагаад Сүхбаатарын талбай хүртэл трамвай тавих ажил хотын 2040 он хүртэлх төлөвлөгөөнд туссан.

---