Өвөрхангай аймагт /2025-01-22/-ны өдөр таван ханатай гэр, зуны байшин шатсаны улмаас 79 настай эмэгтэй нас баржээ. 

Энэ тухай дуудлагыг онцгой байдлын алба 01.22-ны өдрийн 15:58 цагт хүлээн авчээ. Тус аймгийн Онцгой байдлын газрын 12 дугаар ангийн алба хаагчдыг тус газарт очиход иргэн Н-ийн 5 ханатай гэр, 5х6 метрийн хэмжээтэй зуны байшин шатаж байсныг ажиллаж унтраажээ. Уг гал түймэрт иргэн Н /79 настай, эмэгтэй/ өртөж нас барсан байсан тул цогцсыг аймгийн Цагдаагийн газарт шилжүүлэн өгчээ. 

---