УИХ-ын чуулганы хуралдаан эхэллээ.

Өнөөдрийн хуралдаанаар

• Монгол Улсын Засгийн газар болон Бүгд Найрамдах Энэтхэг Улсын Экспорт-Импорт банк хоорондын Зээлийн хэлэлцээр соёрхон батлах тухай хуулийн төсөл
• “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төсөл /Засгийн газар 2025.01.08-ны өдөр өргөн мэдүүлсэн, хэлэлцэх эсэх/
• Санхүүгийн зохицуулах хорооны орон тооны бус гишүүнийг томилох тухай асуудал
  “Зарим байгууллагын цалингийн хэмжээг шинэчлэн тогтоох тухай” Улсын Их Хурлын тогтоолын төсөл
• Хархорум хотын бүтээн байгуулалт, хөгжлийг дэмжих тухай хуулийн төсөл болон хамт өргөн мэдүүлсэн хууль, тогтоолын төслүүд /Засгийн газар 2024.12.20-ны өдөр өргөн мэдүүлсэн, эцсийн хэлэлцүүлэг/
• Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл болон хамт өргөн мэдүүлсэн хууль, тогтоолын төслүүд /Засгийн газар 2025.01.08-ны өдөр өргөн мэдүүлсэн, хэлэлцэх эсэх/-ийг хэлэлцэнэ.

УИХ-ын чуулганы эхэнд Монгол Улсын Засгийн газар болон Бүгд Найрамдах Энэтхэг Улсын Экспорт-Импорт банк хоорондын Зээлийн хэлэлцээр соёрхон батлах тухай хуулийн төслийг хэлэлцэв.

Ингээд чуулганы хуралдаанд оролцсон 69 гишүүн дэмжиж, газрын тос боловсруулах үйлдвэрт Энэтхэг улсаас дахин зээл авахаар болов. 

УИХ-ын дарга Д.Амарбаясгалан:

-Газрын тосны үйлдвэрийн бүтээн байгуулалтын үйл ажиллагаатай холбоотой УИХ-ын гишүүдээс асууж тодруулсан асуулт хэлсэн саналуудад дээр анхаарах ёстой. Шаардлагатай тохиолдол УИХ-ын гишүүд, байнгын хороо, ажлын хэсгийн гишүүдийг бодит нөхцөл байдалтай танилцах боломжоор хангаж өгөх хэрэгтэй. Энэ ажлыг Засгийн газар зохион байгуул. Энэ асуудлын ойлголтыг нэг талд гарах чиглэл өгч байна гэв. 

---