Чингэлтэй дүүргийн төвийн хороодод 18-21 цагаас бусад цагуудад хог хаяхыг хориглосон Засаг даргын захирамж гарчээ.

Чингэлтэй дүүргийн хэвлэл мэдээллийн ажилтан Н.Сугар:

-Чингэлтэй дүүргийн төвийн хороодод 18-21 цагаас бусад цагуудад хог хаяхыг хориглосон Засаг даргын захирамж гарсан. Тус захирамжаар Чингэлтэй дүүргийн төвийн дүүргүүд буюу байшин хороолол дунд өдрийн цагаар хог хаях боломжгүй. Төвлөрсөн хогийн цэг дээр хогоо гаргаж хаяна. 

Учир нь Чингэлтэй дүүргийн хэмжээнд өдөрт гурван удаа хог ачдаг. Тохижилт үйлчилгээний компанийн ажилчид бүх хүчин чадлаараа ажилладаг ч дахин хог үүсдэг. Өглөө 8 цагт хог ачсаны дараа 9 цагт иргэн, ААН-үүд хогоо хаячихдаг. Энэ үед зарим иргэд хогийн уутыг задлах тохиолдол гарсаар байна. Тиймээс хоггүй, эрүүл орчинд амьдрах нөхцөлийг бүрдүүлэх ухаалаг зохицуулалт болж байна гэж үзэж байна. Хэрвээ хог хаявал иргэн болон ААН-үүдийг Зөрчлийн тухай хуулиар торгоно.   

---