"Утаанаас илүүтэй олон жил тамхи татсан иргэн уушгины хавдраар өвчилж байна" гэж ХӨСҮТ-ийн Цээжний хөндийн мэс заслын тасгийн эрхлэгч Б.Ганзориг хэлж байна.  

ХӨСҮТ-ийн Цээжний хөндийн мэс заслын тасгийн эрхлэгч Б.Ганзориг:

-Агаарын бохирдол уушгины хавдар үүсгэж байна гэх олон улсын судалгаагаар тогтоогдсон. Манай улсад судлагдсан зүйл алга. 20-30 жилийн хугацаанд утаанд нэрвэгдэж байж уушгины хавдар үүсгэгддэг юм.

Уушгины хавдар үүсгэх эрсдэлт хүчин зүйлс олон. Хамгийн голлох хүчин зүйл нь тамхидалт байдаг. Энэ хавдраар өвчилсөн арван хүн тутмын ес нь олон жилийн хугацаанд тамхи татсан байдаг. Тамхидалт агаарын бохирдол хавсарч уушгины хавдар үүсгэж байна.
Уушгины хавдар оргил нас нь 64-69 байна. Жилд 500 шинэ хавдар бүртгэгдсэнээс 400 гаруй нь эцсийн шатандаа оношлогддог. 100 гаруй иргэний мэс засал амжилттай болдог гэв. 

---