Сангийн сайд Б.Жавхлан бага орлоготой иргэдэд НӨАТ-ын хөнгөлөлт олгох, нөгөөтээгүүр буцаан олголтыг илүү өгөх бодлого баримтлах талаараа байр сууриа илэрхийлжээ. Тэгвэл Сангийн сайдын дээрх бодлогыг "Түмэн шувуут" компанийн захирал Л.Эрхэмбаяр шүүмжилсэн байна. 

"Түмэн шувуут" компанийн захирал Л.Эрхэмбаяр: 

-Халамж гэхээс илүү Тавантолгой, Эрдэнэс тавантолгой гэх мэт төрийн том компаниудын ашгаас орох орлого, давсан орлогыг Засгийн газар нь авч үлдэж дураараа зарцуулахгүй, төсвийн хуулийн дагуу орлогын төлөвлөгөөнд тусгаж, УИХ-аар батлуулж зарцуулах, авлигатай хатуу тэмцэх, төсвийн мөнгийг хэмнэлттэй зарцуулах, ашиггүй төрийн компаниудыг хувьчлах, хөдөлмөр хийхийг бүх иргэддээ уриалах зэрэг ажлыг хийх хэрэгтэй.

Ер нь та бүхнийг нэлээд ажиглаж байгаа. Дэндүү ахуйгүй, амьдралаас тасархай, хэрэгжүүлж буй ажлууд нь байгаа онохгүй л байгаад байна. УИХ ч амьдрал ахуйтай шийдвэрүүд гаргаж Засгийн газраа хянах ажлаа олигтойхон хийхгүй байна. УИХ, Засгийн газар хоорондоо хэт найр тавьсан найзан дундаа шинжтэй яваад байна. Иргэдийн бухимдлыг өнөө маргаашийг аргалах халамжийн энэ мэт дорой ажлаар аргалж болохгүй. Улс орноо, ард иргэд, аж ахуйн нэгжээ өөд татах цогц бодлого хэрэгжилт чухал байна. Бага орлоготойг нь яаж тодруулах юм, хүнсний талон шиг завхрал ч их гарна гэжээ. 

---