Улирлын системд шилжиж, Бөхийн өргөөний барилдааны чансаа тогтоох болсны дагуу 2025 оны эхний чансааг Монголын Үндэсний Бөхийн Холбооноос зарлалаа. Энэхүү чансаанд нийт 390 бөх бичигдлээ.

Чансаанд:
* Улирлын нээлтийн барилдаан (2024-09-08)
* Нийслэл Улаанбаатар хотын 385 жилийн ойн барилдаан (2024-10-27)
* Монгол Бахархлын өдрийн барилдаан (2024-11-02)
* Улс тунхагласан өдрийн барилдаан (2024-11-26)
* Үндэсний эрх чөлөө, тусгаар тогтнолоо сэргээн мандуулсны ой,

* Ерөнхийлөгчийн нэрэмжит цомын төлөөх барилдаан (2024-12-29)-ууд багтсан байна.

Бөхчүүд тухайн барилдаанд хэд давснаас хамаарч доорх чансааны оноог авна. Найм давсан бол 1500, 7 даваа 1000, 6 даваа 600, 5 даваа 400, 4 даваа 300, 3 давааа,  200, 2 даваа 100, 1 даваа 50 оноо өгч буй юм. 

Дээрх барилдаанд үзүүлсэн амжилтаараа чансааг Улсын заан С.Сүхбат 2400 оноогоор тэргүүлж буй бол Улсын начин Ч.Батчулуун 2350 оноо, Улсын аварга  О.Хангай 2200 оноо, Улсын арслан Ц.Бямба-Отгон 2000 оноо, Улсын начин Д.Амарсайхан 1800 оноогоор тус тус тэргүүлж байна. 

---