Архангай аймгийн Эрдэнэбулган сумын Цагдуулт багт иргэн Д нь энэ сарын 07-ны өдрийн 16:15 цагийн орчим гэрээсээ явган гараад сураггүй болсон тухай дуудлагыг энэ сарын 8-ны өдрийн 17:15 цагт онцгой байдлын байгууллага хүлээн авсан байна.

Тус аймгийн Онцгой байдлын газрын Эрэн хайх, аврах салбарын алба хаагчид, Цагдаагийн газрын алба хаагчид, ар гэрийнхэн иргэн 45 настай, эмэгтэй Д-г эрэн хайх ажиллагааг энэ сарын 9-ний өдрийн 10:45 цагт эхлүүлж, тухайн иргэний цогцсыг аймгийн төвөөс урд зүгт 6 км зайд Булган сумын Баянбулаг багийн Сангийн толгойн гүүрний доороос 13:05 цагт олсон байна. Цогцсыг Цагдаагийн газарт шилжүүлэн өгчээ. 

---