УИХ-ын гишүүн О.Батнайрамдал: Ураны төсөл дээр 34 хувийг эзэмшихээс илүүтэй АМНАТ болон 10 хувийн давуу эрхийн хувьцаатай байх нь ашигтай.

УИХ-ын гишүүн О.Батнайрамдал:

-Стратегийн ач холбогдол бүхий орд монголын талд оногдох өгөөж нь 50+1 хувь байх ёстой. Оюутолгой эсвэл өмнөх төслүүд дээр ямар ойлголт явж байсан гэхээр төр стратеги нь 34 хувь эзэмших ёстой. Ихдээ 34 хувь гэж ярьдаг болохоос энэ энгийн хувьцаа. Бид өнөөдөр ногдол ашиг Оюутолгойгоос аваагүй л явж байгаа. Энгийн хувьцааны ногдол ашиг бүх зардлаа хасаад ашигтай ажилласан бол ашгаасаа хуваарилна. Үүнийг бид өөрчлөх ёстой.

Монголын талд ойлгомжтой бөгөөд тасралтгүй орох орлого бол АМНАТ. Зардлаас өмнөх орлогоос шууд авдаг өгөөж. Ингэснээр монголын талд оногдох өгөөж үндсэн хуулийн дагуу 50+1 болж чадаж байна уу гэдгийг л харах ёстой.
Ураны төсөл дээр 34 хувийг эзэмшихээс илүүтэй АМНАТ болон 10 хувийн давуу эрхийн хувьцаатай байх нь ашигтай гэв. 

---