УИХ дахь Ардчилсан намын бүлгийн гишүүд ураны төслийг дэмжих нь зүйтэй гэдэг дээр санал нэгджээ. 

УИХ-ын гишүүн А.Ганбаатар:

-Ардчилсан намын бүлгийн хуралдаанаар өнөөдөр хоёр асуудал хэлэлцсэн. Нэгдүгээрт, Ашигт малтмалын тухай хуулийн 47.2.1-т заасан Стратегийн ач холбогдол бүхий ашигт малтмалын нөөц ашигласны тусгай төлбөр болон Цөмийн энергийн тухай хуулийн 2.1.5-д заасан Цацраг идэвхт ашигт малтмалын нөөц ашигласны тусгай төлбөр гэсэн хоёр асуудлыг хэлэлцсэн.

Манай улс Оюутолгойн 34 хувийг эзэмшиж байна. Харин энэ удаагийн "Орано"-гийн төсөл дээр төр 34 хувь эзэмшихгүйгээр ашиг хүртэх нь Засгийн газарт дарамт болохгүй байх талаасаа ашигтай.

Иймд АМНАТ-ыг өсөн нэмэгдэх байдлаар авах, манай талаас ямар ч зардал гаргахгүйгээр тус төсөл хэрэгжинэ. Түүнчлэн 34 хувь эзэмшсэнээс илүү ашигтай байх боломжтой юм байна гэж байгаа. Орлогын хэмжээ нь нэмэгдээд явсан тохиолдолд Монголын талд ашигтай байх юм байна. Иймд энэ хуулийн төслийг дэмжих нь зүйтэй гэж бүлгийн гишүүд үзсэн гэв. 

---