Монгол Улсын Их Хурлын 2024 оны намрын ээлжит чуулганы нэгдсэн хуралдааны 12 дугаар сарын 26-ны өдрийн ирцийн мэдээг УИХ-ын Тамгын газраас мэдээллээ.

Өнөөдөр 10:00 цагаас эхлэх ёстой УИХ-ын чуулганы хуралдаандаа 10:30 цагийн байдлаар Засгийн газрын сайдуудын олонх нь ирээгүй байна. Шадар сайд Т.Доржханд, Сангийн сайд Б.Жавхлан, Батлан хамгаалахын сайд С.Бямбацогт,  Цахим хөгжил, инновац, харилцаа холбооны сайд Ц.Баатархүү, Монгол Улсын сайд, Хяналт, үнэлгээний Үндэсний хорооны дарга Э.Одбаяр, Эрчим хүчний сайд Б.Чойжилсүрэн, Хүнс хөдөө аж ахуйн хөнгөн үйлдвэрийн сайд Ж.Энхбаяр, Монгол Улсын сайд, "20 минутын хот" Үндэсний хорооны дарга Р.Эрдэнэбүрэн нарын найман сайд одоогоор чуулганы хуралдаа орж ирээгүй байна.

Ерөнхий сайд Л.Оюун-Эрдэнэ, Монгол Улсын сайд, Боомтын сэргэлтийн Үндэсний хорооны дарга Б.Тулга нар чөлөө авсан байна. Шадар сайд С.Амарсайхан ОХУ-д албан ёсны айлчлалтай яваа юм.

УИХ-ын чуулганы ирцийн мэдээллийг эндээс үзнэ үү. 

---