Засгийн газрын ээлжит бус хуралдаанаас гарсан шийдвэрийн талаар УИХ-ын гишүүн, Байгаль орчин, уур амьсгалын өөрчлөлтийн сайд С.Одонтуяа мэдээлэл хийж байна.

УИХ-ын гишүүн, Байгаль орчин, уур амьсгалын өөрчлөлтийн сайд С.Одонтуяа: 

-Агаарын бохирдлыг бууруулах мастер төлөвлөгөө гарган ажиллаж байна. Урт хугацаандаа орон сууцжуулах, хийн түлш рүү шилжинэ. Дунд хугацаандаа Багануурын ДЦС-ыг түшиглэн коксжсон нүүрсний үйлдвэр байгуулснаар 2025 онд эхний 100 мянган тонн гарна. 2027 онд жилд 800 мянган тонн гарснаар агаарын бохирдлыг шийдвэрлэх боломжтой болно гэж харж байна. Үүнийг "Хөх нүүрс" гэж нэрлэнэ. 

Мөн, өнөөдрийн Засгийн газрын ээлжит бус хуралдаанаар бүх төрлийн дулаалга, халаалтын систем, газан халаагуурыг нэг хувийн хөнгөлөлт үзүүлэх шийдвэр гарлаа. Ингэснээр богино хугацаандаа агаарын бохирдол буурна гэж тооцож байна гэв. 

---