Хан-Уул дүүргийн хөрөнгө оруулалтаар зам талбайн хог, цас, хусах, шүүрдэх, бутлах, ачих зориулалтын “ZL939” маркийн 12 ковш, тусгай зориулалтын зориулалтын “XN125W-9G” маркийн 1 экскаваторыг дүүргийн зам талбайн цэвэрлэгээ хариуцсан байгууллагуудад хүлээлгэн өглөө.

Энэхүү тусгай зориулалтын ковш, экскаваторууд нь өвөл, зуны улиралд ашиглах боломжтой, дагтаршсан цас, мөсийг бутлах, хог, цас шүүрдэх, хусаж, хамах, давс, бодис, хатуу хог хаягдлыг ачих, нүх ухах, буулгах, их хэмжээний хур хог хаягдлыг гар ажиллагаа оруулахгүйгээр цэвэрлэх автомат ажиллагаатай машин техник юм.

Тус дүүрэг сүүлийн дөрвөн жилийн хугацаанд хог тээвэр, зам талбайн 45 автомашиныг дүүргийн зам талбай, цэвэрлэгээний байгууллагуудад үе шаттай шийдвэрлэн өгч, парк шинэчлэл хийсэн.

Тодруулбал, энэ онд дүүргийн хөрөнгө оруулалтаар хог тээврийн 16 машин, зам цэвэрлэгээний зам шүүрдэх услах тусгай зориулалтын 2 автомашин, нуух цэвэрлэх 7 жижиг машин, давс, бодис цацагч 15, явган замын цас хог үлээгч багаж 50, явган зам шүүрдэгч 27 техник хэрэгсэл, нийт 20 автомашинаар парк шинэчлэл хийж, хог тээвэр, зам талбайн цэвэрлэгээ хариуцсан байгууллагууддаа тус тус өгсөн байна.

 

---