Монгол Улс Евразийн худалдааны гэрээнд нэгдэх эсэх талаар УИХ-ын гишүүдийн байр суурийг хүргэж байна. УИХ-ын гишүүн А.Ариунзаяагаас тодрууллаа. 

УИХ дээр энэ асуудал орж ирээгүй байгаа. Хэвлэл мэдээллийн байгууллагаас л мэдээлэл авч байна. Эдийн засгийн үр өгөөжийг нэмэгдүүлэхийн тулд бүсийн интеграцад орох ёстой гэдгийг улс төрийн намууд мөрийн хөтөлбөртөө тусгасан. Өчигдөр Эдийн засгийн хөгжлийн яам, МҮХАҮТ хамтран үйлдвэр эрхлэгчидтэй уулзаж, санал солилцсон юм байна.

Аль аль талдаа давуу болон сул тал байна. Тал талаас нь харж ярилцах хэрэгтэй. Дотоодын үйлдвэрлэлээ хөгжүүлэх, хүнсний хараат бус байдлаа бий болгох хүрээнд Ерөнхийлөгч “Хүнсний хувьсгал” аяны санаачлан зохион байгуулж байна.

Нэг талдаа зээл олгож үйлдвэрлэгчдээ дэмжиж, нөгөө талдаа бизнес нь өргөжин тэлэх яг энэ үед нь гадаадаас татваргүй бараа оруулдаг байж болохгүй. Нэг гараараа үйлдвэрлэгчдээ дэмжих гээд байгаа мөртлөө нөгөө гараараа ижил төрлийн барааг хямд үнээр оруулах гэж байгаа нь бодлогын зөрчил үүсэж байна.

Евразийн худалдааны гэрээнд нэгдэх нь үйлдвэрлэлээ дэмжих бодлоготой зөрчилдөнө

 

---