Монгол Улс Евразийн эдийн засгийн чөлөөт худалдааны хэлэлцээрт арванхоёрдугаар сарын 20-ны өдөр нэгдэхээр яригдаж байна. Уг асуудалд УИХ-ын гишүүн Э.Батшугар дараах байр суурийг илэрхийлж байна.

УИХ-ын гишүүн Э.Батшугар:

-Евразийн чөлөөт худалдааны хэлэлцээрт нэгдэх нь онолын хувьд зөв гэж үзэж байгаа. Жижиг эдийн засагтай улс орон том эдийн засагтай улс орны худалдааны гэрээнд нэгдсэнээр илүү хождог онол байдаг. Евразийн эдийн засгийн холбоог харахад 200 сая хүн амтай. Дотоодын нийт бүтээгдэхүүний нийлбэрээр 2,4 их наяд ам.доллароор илэрхийлэгдэх том зах зээл. Бид 3,5 сая иргэнтэй. 22 тэрбум ам.долларын эдийн засагтай улс. Манай аж ахуй нэгж 2,4 их наяд ам.долларын эдийн засагтай зах зээлд бараа бүтээгдэхүүнээ нийлүүлэх экспортын гарц нээгдэж байна.

Бид малын гаралтай бүтээгдэхүүнээ ОХУ болон бусад улс руу зарах гэхээр татвар маш өндөр байдаг. Энэ тал руугаа ашигтай байх нөхцөл байдал харагдаж байгаа гэлээ. 

---