Эрчим хүчний зохицуулах хорооноос хэрэглэгчдийн өргөдөл, гомдлыг цахим системээр хүлээн авч эхэлжээ. 

ЭХЗХ-оос хэрэглэгчийн өргөдөл, гомдлыг хүлээн авч шуурхай шийдвэрлэх цахим системийг нэвтрүүлсэн байна. 

https://consumer.energy.mn цахим системийг нэвтрүүлснээр хэрэглэгчээс хангагч байгууллагад өргөдөл, гомдол гаргахад хялбар, ойлгомжтой болох бөгөөд хэрэглэгчийн өргөдөл, гомдлыг цахимаар бүртгэж, түргэн шуурхай шийдвэрлэх таатай нөхцөл бүрдэж байна.

Хэрэглэгчид цахилгааны болон дулааны эрчим хүчтэй холбоотой асуудлаар өргөдөл, гомдол гаргах тохиолдолд эрчим хүчээр хангах гэрээт хангагч байгууллагадаа хандаж шийдвэрлүүлнэ. Харин хангагч байгууллагын шийдвэрийг эс зөвшөөрсөн болон хангагчаас шийдвэрлээгүй хэрэглэгчийн өргөдөл, гомдлыг Эрчим хүчний зохицуулах хороо нь Эрчим хүчний тухай хуулийн 35 дугаар зүйлийн 35.2-т заасны дагуу цахимаар хүлээн авах, хэрэглэгчийн өргөдөл, гомдол шийдвэрлэх хангагч байгууллагын үйл ажиллагаанд хяналт тавина.

 

---