"Нийслэлийн Чингэлтэй дүүргийн XIII хороонд настай хүн нүхэн жорлонд унасан, гаргаж чадахгүй байна" гэсэн дуудлагыг дүүргийн Цагдаагийн II хэлтсээс энэ сарын 9-ний өдрийн 03:21 цагт хүлээн авсан байна. 

Нийслэлийн Аврах ангийн алба хаагчдыг очиход тус хаягт түр оршин суугч иргэн 58 настай, эрэгтэй М гурван метрийн гүнтэй нүхэн жорлонд унасан байсныг ажиллан гаргаж, Нийслэлийн түргэн тусламжийн төвийн эмч болон Чингэлтэй дүүргийн Цагдаагийн II хэлтсийн Эргүүлийн цагдаад хүлээлгэн өгчээ. 

---