"Соёлын эрхийг бичиг" олгох заалтыг хүчингүй болгохыг УИХ дэмжсэнгүй.

УИХ-ын чуулганы хуралдаанаар 2025 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийг хэлэлцэх эсэх асуудлыг хэлэлцсэн юм.  

Төсвийн тухай хуулийн төсөлтэй хамт 11 хуулийн төсөл, УИХ-ын 4 тогтоолын төслийг энэ сарын 4-нд УИХ-д өргөн мэдүүлээд байсан юм. Үүнд Кино урлагийг дэмжих санг татан буулгахаар оруулж ирсэнээс гадна Соёлын бүтээлч үйлдвэрлэлийг дэмжих тухай хуулийн зарим зүйл, хэсгийг хүчингүй болгох тухай заалтууд орж ирээд байсан юм.

Тус төсөлд өсвөр насны хүүхдүүдэд тус бүр 100 мянган төгрөгийн эрхийн бичиг тараах, соёлын үйл ажиллагаа, дугуйланд хамруулахаар төлөвлөсөн. Гэсэн ч УИХ-ын чуулганы хуралдаанд оролцсон гишүүд тус хуулийн төслийг дэмжсэнгүй. Ингэснээр Соёл, спорт, аялал жуулчлалын сайдын багцад 18.3 тэрбум төгрөгийн зардал хэвээр үлдэх нөхцөл бүрдэж байгаа юм. 

Харин УИХ-ын гишүүн, Төсвийн байнгын хорооны гишүүн Ц.Даваасүрэн "Соёлын ваучерыг хасах саналыг Ажлын хэсгээс бас оруулсан. Чуулган дээр буцаагаад босгосон. Дараа нь байнгын хороо, ажлын хэсэг муу байна гээд байцгаасан шүү. Дахин үүнийгээ хамгаалж байгаа бол үүнд чинь байнгын хороо, ажлын хэсгийн буруу байхгүй шүү. Би албан ёсоор мэдэгдье" гэх үгийг хэлсэн юм. 

---