Аппликейшны зээлийн эрх нэмж өгнө гэх нэрээр бусдын мөнгийг авчээ.

Тодруулбал, иргэн М нь энэ оны долдугаар сарын 28- ний өдөр фейсбүүк, цахим орчинд нэр бүхий аппликейшны зээлийн эрх нэмж өгнө гэсэн нийтлэлийн дагуу хуурамч фейсбүүк хаягийн хэрэглэгчтэй холбогдож зээлийн аппликейшны нэвтрэх нэр нууц үгийг өгч 500  мянган төгрөгөө алдсан гэх хэргийг иргэн Ц үйлдсэн байж болзошгүй нөхцөл байдал тогтоогдсон байна.

Тус хэрэгт Монгол улсын эрүүгийн хуулийн тусгай ангийн 17.3 дугаар зүйлийн нэг дэх хэсэг 26.1 дүгээр зүйлийн нэг дэх хэсгүүдэд зааснаар энэ оны арваннэгдүгээр сарын 25-ний өдөр эрүүгийн хэрэг үүсгэж яллагдагчаар татан мөрдөн шалгах ажиллагааг явуулж байна.

Иймд иргэд та бүхэн өөрийн банкны нэвтрэх нэр, нууц үгийг бусдад өгөхгүй байхыг цагдаагийн байгууллагаас сэрэмжлүүлж байна.

---