Түгжрэлийг бууруулах хүрээнд нийслэлд зорчиж буй автомашины татварыг 3 дахин нэмэх асуудлаар УИХ-ын гишүүн О.Номинчимэгээс тодрууллаа.

УИХ-ын гишүүн О.Номинчимэг:

-Улаанбаатар хотын зам даацаасаа хэтэрсэн олон автомашинтай. Граш, зогсоолын асуудлаас болж зам дээр машинаа тавьснаас үүдэн түгжрэл үүсдэг. Үүнийг эдийн засгийн хөшүүргээр сайжруулахаас өөр аргагүй. Манай улсад зам ашигласны төлбөр маш бага. Замын төлбөрийг нэмэх ёстой. Явж байгаа машин бензин их хэрэглэж, зам их ашиглаж, эвдэлж байна. Үүнийг нөхөн төлөх төлбөр нь өндөр байх ёстой. Түгжрэлтэй эдийн засгийн аргаар тэмцэхгүй л бол ойрын хэдэн жилдээ түгжрэлээс гарч чадахгүй гэж бодож байна гэв. 

---