УИХ-ын гишүүн Ч.Лодойсамбуу Нийслэлээс сонгогдсон гишүүний хувьд түгжрэлийн асуудлаар байр сууриа илэрхийлэв.

УИХ-ын гишүүн Ч.Лодойсамбуу:

-Сарын өмнө Хотын дарга Х.Нямбаатар руу өмнөх дутуу зам засвар, бордюртой холбоотой бүх тендер, оролцогч компани, төсөвт өртгийн мэдээллээ явуулах хүсэлт өгсөн. Одоо хүртэл ирээгүй байгаа. Энэ бол татвар олон нийтийн мөнгө. Хэрхэн захиран зарцуулж байгаа вэ гэдгийг гишүүд нь мэдэх эрх үүрэг нь байна.

Нийслэлийн Засаг дарга нар түгжрэлийн шалтгааныг уг үндсээр нь шийдье гэж ердөө бодохгүй байна. Түргэн хугацаанд хүмүүсийг яаж машинаас нь салгах вэ гэдэг механик бүтэлгүй аргууд санаачилж байна. Энэ дунд нь хэдэн төгрөг босгож авах гэсэн санаархал байхаас түгжрэлийг сааруулах бодитой тооцоо судалгаатай урт хугацааны шийдэл санал болгохгүй байна.

Хувийн машиныг хэрэглэхгүй байхаас өөр сонголтыг олон нийтэд өгөхгүй байгаа. Ард иргэдээ машин унах боломжгүй болгоё гэдэг чинь төрөөс авдаг арга хэмжээ биш. Тусдаа НЗДТГ гэдэг төр ерөнхийлөгчтэй болчихоод хэцүү байна гэв.

---