Монгол Улсын Засгийн газрын гишүүн, Зам, тээврийн сайд Б.Дэлгэрсайхан ОХУ-ын Тээврийн сайд Р.В.Старовойтын урилгаар Москва хотноо айлчлал хийж байна.

Айлчлалын үеэр Зам, тээврийн сайд Б.Дэлгэрсайханыг ОХУ-ын тээврийн сайд Тээврийн яамандаа хүлээн авч уулзлаа. Уулзалтаар сайд нар хоёр улсын тээврийн салбарын хамтын ажиллагаа, тэр тусмаа төмөр замын томоохон шинэ төсөл хөтөлбөрүүдийн талаар санал солилцлоо.

Мөн Монгол-Оросын хамтарсан "Улаанбаатар төмөр зам" ХНН-ийн хөгжил шинэчлэлийн асуудлыг хэлэлцэж, мөн Монгол-Орос-Хятадын эдийн засгийн коридорын хүрээнд байгуулахаар төлөвлөж буй шинэ төмөр замын төслийн талаар дэлгэрэнгүй ярилцав.

Талууд эдгээр төслүүдийг Монгол-Орос-Хятад гурван талаар ойрын үед хэлэлцэх шаардлагатайг  цохон тэмдэглэлээ.  Мөн Улаанбаатар-Москва-Улаанбаатар  чиглэлд шууд нислэгийг ойрын хугацаанд сэргээх талаар ярилцаж тохиролцов.

---