11 настай хүүхдүүдэд үнэ төлбөргүй хийгдэх папиллома вирусийн эсрэг вакцин нь жирэмслэлтэд нөлөөлөх, хавдар үүсгэдэг гэх мэдээлэл нь ор үндэслэлгүй гэж ЭМЯ-ны Төрийн нарийн бичгийн дарга Д.Очирбат хэлж байна.

ЭМЯ-ны Төрийн нарийн бичгийн дарга Д.Очирбат:

-11 настай хүүхдүүдийг нэг удаа дархлаажуулалтаар папиллома вирусийн өвчлөлийг хамгаалах дархлаажуулалтад хамруулна. Үүний үр дүнд бүх эрүүл мэндийн анхан шатны байгууллагуудаар дамжуулан 11 настай эрэгтэй, эмэгтэй хүүхдүүдэд папиллома вирусийг хийхээр бэлтгэл ажлаа хангаж байна.

Дэлхийн 200 гаруй улс оронд эрэгтэй, эмэгтэй хүүхдүүдэд энэ папиллома вирусийн халдвар нь үтрээ, бэлгийн урвал, шодой, ам хоолой, умайн хүзүүний хорт хавдрыг үүсгэдэг нь тогтоосон. Папиллома вирусийн вакциныг хийлгэснээр 15 жилдээ 93 хувийн дархлааг тогтоож чаддаг.

Уг вакциныг Монгол Улсын Засгийн газар 2023 онд АНУ-ын Мерк шаарп үйлдвэрийн каптизал буюу дөрвөн центээр дэлхийн улс орнуудтай адил худалдаж авдаг. Монгол Улсынхаа хүүхдүүдэд вакцинжуулалтыг хийхээр худалдан авалтыг хийгээд байна.

Эцэг эхчүүд хүүхдээ хамгаалахын тулд өмнө нь гадаад руу явж 99-120 доллароор хийлгэдэг байсан бол одоо үнэгүй хийх гэж байна. Энэхүү вакцин нь жирэмслэлтэд нөлөөлөх, төрөлтөд саад учруулдаг, хавдар үүсгэдэг гэх мэтийн ташаа мэдээлэл ор үндэслэлгүй. Дэлхийн эрүүл мэндийн байгууллагаас 160 гаруй улс оронд хийсэн судалгаагаар гаж нөлөө илрээгүй гэдгийг албан ёсоор хэлж байна гэв. 

---