Завхан аймгийн гамшгийн эрсдэлийг бууруулах орон нутгийн зөвлөл болон газар хөдлөлтийн гамшгаас урьдчилан сэргийлэх байнгын ажиллагаатай салбар зөвлөлүүд хуралдав. 

Хурлыг аймгийн ИТХ-ын дарга, Гамшгийн эрсдэлийг бууруулах орон нутгийн зөвлөлийн дарга Б.Санжсүрэн, аймгийн Засаг даргын орлогч, Газар хөдлөлтийн гамшгаас урьдчилан сэргийлэх байнгын ажиллагаатай салбар зөвлөлийн дарга Ц.Улам-Оргих нар удирдан явуулав.

Хурлын эхэнд аймгийн гамшгийн нөхцөл байдлын талаарх мэдээллийг аймгийн ОБГ-ын орлогч, дэд хурандаа Х.Баярсайхан танилцууллаа.

Хурлаар “Гамшгийн эрсдлийг бууруулах Сендайн үйл ажиллагааны хүрээ” баримт бичгийг танилцуулахаас гадна зөвлөлүүдийн 2025 оны төлөвлөгөөг танилцуулж, санал авч батлах, шийдвэр зөвлөмж гаргах асуудлуудыг хэлэлцэнэ.

---