Хүннү Эйр компани 2025 оны 6 сарын 19-ний өдрөөс эхлэн 09 сарын 18-ны өдрийг дуустал хугацаанд Пүрэв, Ням гараг бүр Кобе хотын чиглэлд тогтмол нислэг нээхээр төлөвлөж байна.

Энэ чиглэлийн нислэгээр гадаадын иргэдийг Монгол Улсад аялалаар зочлон ирэх, монгол иргэдийг далайн эргийн аялалд харьцангуй хямд нөхцөлөөр аялах боломжийг нээж байна.

Хүннү Эйр компани нь Монгол улсын Засгийн газраас зарласан “Монголд зочлох жил” уриаг дэмжин олон улсын шинэ чиглэлүүд нээн, улс улсын аялал жуулчлалын агентуудыг холбох, аялал жуулчлалын шинэ урсгал нээх, нэмэгдүүлэх тал дээр бүхий л бололцоог ашиглан ажиллаж байгаадаа баяртай байна.

Тус чиглэлийн тийзийг Япон улсын BSP болон Монгол улсын тийз борлуулах бүхий л агентуудаар дамжуулан борлуулна хэмээн Хүннү эйр компаниас мэдээлэв.

---