Монголын Морин Спорт, Уяачдын Холбоо /ММСУХ/-ны VIII Их хурал “Уламжлалт-Шинэчлэл-Хариуцлага” уриатайгаар энэ оны арванхоёрдугаар сарын 2-ны өдөр Төрийн ордны “Их Монгол” танхимд зохион байгуулагдахаар болжээ.

Монгол Улсын Манлай уяач Баасансүрэнгийн Нямжав ММСУХ-ны Ерөнхийлөгчийн үүрэг гүйцэтгэгчээр ажиллаж буй юм. Өнгөрсөн оны сүүлчээр ММСУХ-ны ерөнхийлөгч Ц.Батсайхан өөрийн хүсэлтээр ажлаасаа чөлөөлөгдөж, Монгол Улсын Манлай уяач Баасансүрэнгийн Нямжав тус холбооны Ерөнхийлөгчийн үүрэг гүйцэтгэгчээр сонгогдсон байдаг.

Тэгвэл ММСУХ VIII их хурлаараа Ерөнхийлөгчөө шинээр сонгох юм байна. ММСУХ-ны Ерөнхийлөгчид Монгол Улсын Манлай уяач Баасансүрэнгийн Нямжав, Монгол Улсын Тод Манлай уяач Пунцагбалжирын Энхмөнх нар нэр дэвшихээ илэрхийлээд буй ажээ. ММСУХ-ны зүгээс ерөнхийлөгчид нэр дэвшигч нь 150 сая төгрөгийн дэнчин байршуулах шаардлага тавьж буй юм байна.

Нэр дэвшихээр горилж буй П.Энхмөнхийн хувьд энэхүү дэнчинг хүлээн зөвшөөрөхгүй байгаа хэдий ч мөнгөө бэлдсэн талаар цахим орчинд мэдээлсэн юм. 

Тод Манлай уяач П.Энхмөнх дараах мэдээллийг өгөв

---