Улаанбаатар хотын нийтийн тээврийн улсын бүртгэлийн дугаарын дээд хязгаарыг тогтоох шийдвэр арваннэгдүгээр сарын 8-наас хэрэгжиж эхэлсэн. Энэ шийдвэрийн хүрээнд нийслэлчүүдийн дийлэнхийн унаж буй автомашинд улсын дугаар олгохгүй болж буй юм.

ХЗДХ-ийн сайд О.Алтангэрэлийн зүгээс Улаанбаатарын автомашинд улсын дугаар олгохыг хязгаарласан журмыг хүний эрх зөрчсөн, ялгаварлан гадуурхсан гэж үзжээ. Иймд дээрх журмыг хүчингүй болгох шаардлагыг НЗД бөгөөд Улаанбаатар хотын дарга захирагч Х.Нямбаатарт албан бичгээр хүргүүллээ.

Ташрамт дурдахад, хотын даргын дээрх шийдвэр нь Үндсэн хуулийг зөрчиж, хүний эд хөрөнгөд халдаж байна гэж үзсэний үндсэн дээр иргэд Үндсэн хуулийн цэцэд шаардлага хүргүүлсэн билээ. 

---