Засгийн газрын хуралдаанаар С зөвшөөрөл олгох асуудлыг Зам тээврийн яамны харьяа Авто тээврийн үндэсний төв хариуцах шийдвэрийг гаргажээ. 

Зам тээврийн сайд Б.Дэлгэрсайхан:

-Засгийн газрын өнөөдрийн хуралдаанаар С зөвшөөрөл олгох асуудлыг Зам тээврийн яамны харьяа Авто тээврийн үндэсний төв буцаан олгодог болох шийдвэр гаргасан. Учир нь С зөвшөөрлийн бичиггүйгээс болоод зорчигчид хил гарч чадахгүй байна. Түүнчлэн ачаа тээврийн үнэ 2-3 дахин өсчихөөд байна.

2025 он гараад урд хөрш маань төрийн байгууллагатай гэрээ хийснийхээ дагуу зөвшөөрөл өгөхөөр болсон. Хувийн компаниудад шилжүүлсэн учраас зөвшөөрөл өгөхгүй гэх асуудал үүссэн. Бүтэн нэг улирал ийм асуудал үүслээ. Өнөөдрийн байдлаар Замын-Үүд дээр 1500 гаруй машин оочирлож байна гэх мэдээлэл байна гэв. 

---