"Оюу толгой" ХХК-ийн ТУЗ-ийн гишүүнээр ажиллаж байгаад ажлаа өгөөд удаагүй байсан Ж.Тана "Алсын хараа-2050" салбар дундын уялдааг хангах үндэсний хорооны Ажлын албыг ахлахаар болжээ.

Түүний энэхүү томилгоог маргааш болох Засгийн газрын хуралдаанаар эцэслэн шийдэх бололтой. Ж.Тана нь Засгийн газрын шийдвэрийн дагуу 2023 оны дөрөвдүгээр сараас эхлэн "Оюу толгой" компанийн ТУЗ-ийн гишүүнээр ажиллаж байсан юм.

Ж.Тана нь Харвардын их сургуулийг эдийн засагч, Зүүн Ази судлалын мэргэжлээр бакалаврын зэрэгтэй төгссөн. Улмаар Оксфордын их сургуульд бизнесийн удирдлагын магистрын зэрэг хамгаалжээ.

Ж.Тана нь 1989 онд төрсөн.

Боловсрол:

• 2007 онд АНУ-ын Юта мужчин “Васач Академи” бүрэн дунд сургуулийг дүүргэсэн.
• 2011 онд Харвардын их сургуулийг эдийн засагч, Зүүн Ази судлалаар баклаврын зэрэгтэй төгссөн анхны монгол оюутан.
• 2016 онд Дэлхийн Эдийн Засгийн Форумын дэргэдэх Глобал Шэйпэрс нийгэмлэгийн нэрэмжит тэтгэлгийг хүртэж Оксфордын их сургуульд бизнесийн удирдлагын магистрын зэрэг хамгаалсан.
• 2012-2013 онд Куинсландын их сургуульд “Байгалийн баялаг, байгаль орчны чиглэлээр диплом хамгаалсан.

---