Улсын бүртгэлийн ажилтны өдөр тун удахгүй тохионо. Эл өдрийг угтан Улсын бүртгэлийн ерөнхий газар (УБЕГ), түүний харьяа байгууллагуудын спортын өдөрлөг өнгөрсөн долоо хоногийн баасан гарагт болжээ. Үүнийхээ дараа зарим албан тушаалтнууд нь УБЕГ-ын дарга Д.Дэлгэрсайханы өрөөнд архи ууцгаасан гэнэ.

Улмаар ууж согтсон тэд маргалдан Д.Дэлгэрсайхан нь Сүхбаатар дүүргийн Улсын бүртгэлийн хэлтсийн дарга Б.Төгс-Эрдэнийн эрүүл мэндэд халджээ. Энэ сарын 9-ний 00.00 цагийн үед болсон эл зодооны талаар хэн нэг нь цагдаагийн байгууллагад дуудлага өгснөөр Сүхбаатар дүүргийн Цагдаагийн газрын II хэлтсийнхэн ирж Д.Дэлгэрсайханы өрөөнд цаг гаруйн турш үзлэг шалгалт хийж, байцаалт авсан гэх мэдээлэл байна.

Зарим хэвлэлд дурдсанаар "...улмаар Д.Дэлгэрсайханыг эрүүлжүүлэхэд хийсэн" гэдэг мэдээлэл нь ташаа байна. 

---