УИХ-ын гишүүн Э.Болормаа "Төсвийн байнгын хорооны даргыг сольж, шинэ арга барилаар төсвийн тодотгол хэлэлцэх ёстой" гэх байр суурийг илэрхийлэв. 

УИХ-ын гишүүн Э.Болормаа:

-Монгол Улсын мэдээллийг “Huawei” компаниар дамжуулна гэсэн яриа огт болоогүй. Дэлхийн өндөр хэмжээний компанитай танилцсан. Суралцах ажлын хэсэг байгуулагдах л асуудал яригдсан. Хүмүүсийн сэтгэл санаагаар тоглож олон нийтийн сүлжээнд ташаа мэдээлэл өгч байна гэж харж байна.

“Халзан Бүрэгтэй” ордын тухайд миний хувьд Ховд аймгийн засаг даргаар ажиллаж байх үедээ ч, одоо ч Эрдэс баялгийн яаманд шаардлага хүргүүлсээр байгаа. Газрын ховор элементийн талаарх бодлогоо тодорхойл гэдгээ илэрхийлсээр ирсэн. Хайгуулын ажил хийхийг иргэд эсэргүүцэх нь зүйн хэрэг. Үр өгөөж нь юу вэ? Эрсдэл нь юу вэ? Үр өгөөжтэй байлаа гэхэд үүнийг нь орон нутгийн иргэд хүртэх үү? Эсвэл нэг хувийн хэвшлийн компани ухаад алга болдог байх уу? 

Төсвийн байнгын хороо ажлаа хийж чадсангүй. 126 гишүүндээ мэдээлэл дутмаг өглөө. Хуучин арга барилаар, цөөн хэдхэн хүний дунд асуудлаа шийддэг байдлыг анзаарч шүгэл үлээсэн. Төсвийн байнгын хорооны даргаа солих ёстой гэж бодож байна. Гишүүдийн хэлсэн саналыг тусгадаг, амыг нь тагладаггүй парламент байх ёстой гэв. 

---