Сэлэнгэ аймагт гурван зорчигчтой суудлын автомашин ачааны автомашины араас мөргөж жолооч нь автомашины төмөр хийцэд хавчуулагдсан осол гарчээ. 

Тодруулбал, Сэлэнгэ аймгийн Баянгол сумын Баян багийн “Баян-Уул” гэдэг газар /аймгийн төвөөс урд зүгт 207 км, сумын төвөөс хойд зүгт 8 км/ автомашины төмөр хийцэд хүн хавчуулагдсан гэх дуудлага мэдээлэл Онцгой байдлын албанд арваннэгдүгээр сарын 06-ны 06:55 цагт бүртгэгджээ.

Дуудлагын дагуу албан хаагчид ослын газарт очиход Баянгол сумаас Сэлэнгэ аймгийн чиглэлд зорчиж явсан иргэн Э-гийн “Lexus HS250h” загварын суудлын автомашин ачааны автомашины араас мөргөж жолооч Э /38 настай, эрэгтэй/ хавчуулагдсан байсныг 18 минут ажиллан эсэн мэнд гаргаж, сумын Эрүүл мэндийн төвд хүлээлгэн өгчээ. 

---