Архангай, Баян-Өлгий, Баянхонгор, Говь-Алтай, Завхан, Өвөрхангай, Увс, Ховд зэрэг аймгийн орон нутгийн зорчигч тээвэр 10 дугаар сарын 31-нийг дуустал Драгон төвөөс тээвэрлэлт гүйцэтгэх болсныг Автотээврийн үндэсний төвөөс мэдээлэв.

Сонгинохайрхан дүүргийн 20 дугаар хороо, Номин агуулахын урдах зам засварын хучилтын ажил хийгдэхтэй холбогдуулан Номин авто буудлаас Архангай, Баян-Өлгий, Баянхонгор, Говь-Алтай, Завхан, Өвөрхангай, Увс, Ховд зэрэг аймгийн чиглэлүүд 10 дугаар сарын 22-ны 08:00 цагаас эхлэн Драгоноос тээвэрлэлт гүйцэтгэж эхэлсэн. Энэ зохицуулалт аравдугаар сарын 28-ныг дуустал хугацаанд үргэлжлэх байсан ч хугацааг сунгажээ.

Иймд дээрх чиглэлийн тээврийн хэрэгслүүд 2024 оны 10 дугаар сарын 31-нийг дуустал хугацаанд Драгон төвөөс тээвэрлэлт гүйцэтгэх болсныг Автотээврийн үндэсний төвөөс мэдээллээ.

---