Монгол туургатан ахан дүүсээ соёл урлаг, оюун санаагаар гагнаж Хамаг Монголынхоо хэдэн зуу, мянгаад жилээр тасарч холдсон холбоог сэргээж, мөн урлаг соёлын үйл хэрэгт өндөр хувь нэмэр оруулсан Самандын Жавхлангийн үйл хэргийг өндрөөр үнэлж Халимаг улсын ерөнхийлөгч Бату Хасиковын зарлигаар 2024 оны 10 сарын 20-ны өдөр Халимаг Улсын Гавьяат Жүжигчин цол тэмдгээр шагнаж урамшуулжээ.

Тэрбээр урьд нь нийтийн дууны салбарыг өнөөдрийн шинэ түвшинд гаргаж ирснийг үнэлж 2009 онд Монгол Улсын Гавьяат Жүжигчин цол хүртэж байсан юм.
С.Жавхлангийн 2012 оноос санаачилсан хэрэгжүүлж эхлүүлсэн “Хамаг Монгол” төсөл Монгол туургатан улсууд болон дэлхий даяар тархан суурьшсан Монгол ястан үндэстэнд амжилттай хэрэгжиж өндөр үр дүнг авч ирсэн бөгөөд одоогоор Самандын Жавхланд Монгол туургатан Тува, Буриад, Халимаг улсууд тус тус цол хэргэм өндөр хүндлэл, баяр талархалаа хүртээгээд байгаа юм. 

---