Бөхийн төрлүүдийн 23 хүртэлх насны дэлхийн аварга шалгаруулах тэмцээн Албани улсын Тарин хотноо зохион байгуулагдаж байна. . 

Энэ удаагийн дэлхийн аварга шалгаруулах тэмцээнд 660 гаруй бөх чөлөөт бөхийн эрэгтэй, эмэгтэй болон сонгомол бөхийн төрөлд хүч үзнэ. Манай улсаас дэлхийн аварга шалгаруулах тэмцээнд зодоглож бөхчүүд болон тэмцээний хуваарийг ЭНД дарж үзнэ үү. 

Өчигдөр /10 сарын 23-ны өдөр/ эмэгтэйчүүдийн чөлөөт бөхийн төрөл -50, -55, -59, -68, -76кг жингийн барилдаануудаар эхэллээ. Манай улсаас тэмцээний эхний өдөр дөрвөн бөх хүч үзсэнээс -55кг жинд U23 насны Ази тивийн хошой аварга Б.Отгонтуяа дагах барилдаан хийхээр боллоо. Тэрээр эхний тойрогт Казахстаны А.Ашимоваг 8.2 харьцаагаар ялсан ч шөвгийн 8-д U23, Залуучуудын олимп, залуучуудын дэлхийн аварга, Европ тивийн аварга Шведийн Эмма Жонна Денист 12:5 харьцаагаар ялагдсан юм. Шведийн бөх цааш ялсаар шигшээд шалгарсан тул манай бөх дагах барилдаан хийх эрхтэй болсон юм. Б.Отгонтуяа дагах барилдаанд өнөөдөр /10 сарын 24-ний 16:30 цагт/ насанд хүрэгчдийн дэлхийн аваргын мөнгө, хүрэл медальт Украины Х.Олександратай барилдахаар боллоо. 

Мөн түүнчлэн өнөөдөр эмэгтэйчүүдийн -53, -57, -62, -65, -72кг жингүүдийн хэсгийн барилдаан явагдах ба манай улсаас мөн дөрвөн бөх хүч үзэх хуваарьтай байна.