Эрүүл мэндийн даатгалаас эмнэлгүүдийн санхүүжилт хугацаандаа орохгүй байна гэж Дархан-Уул аймгийн нэгдсэн эмнэлгийн дарга Б.Мөнхбат хэлж байна. 

Дархан-Уул аймгийн нэгдсэн эмнэлгийн дарга Б.Мөнхбат:

-2021 оноос эхлэн эрүүл мэндийн салбар нэг худалдан авагчийн тогтолцоо буюу гүйцэтгэлийн санхүүжилтэд орсон. Энэ нь өөрөө хийсэн үйл ажиллагаандаа чанарын хяналтыг хийлгээд эрүүл мэндийн даатгалын сангаас санхүүжилтээ аваад ажиллаад эхэлсэн. Энэ нь олон талын давуу талыг олгосон. Тухайлбал, эмнэлгүүд менежментээ сайжруулж, санхүүжилт босгож, иргэдэд үзүүлж буй тусалж үйлчилгээ сайжирч эхэлсэн. Харин эрүүл мэндийн даатгалын сангийн асуудал тулгамдсан асуудал болж байгаа. Бид гүйцэтгэлээ хийчихдэг. Санхүүжилт маань орж ирэхгүй байдаг. Санхүүжилт орж ирэхгүй байгаа нь эрүүл мэндийн даатгалын сангийн мөнгө орж ирэхгүй байгаатай холбоотой. Энэ нь олон хүчин зүйлсээс шалтгаалж байгаа гэж харж байна гэв. 

---