Нийслэл Улаанбаатар хотод өнөөдрийн байдлаар нийт таван авто замыг хэсэгчлэн хааж, шинэчилж байгаа юм байна. Үүнтэй холбоотойгоор түгжрэл эрс нэмэгджээ. Энэ талаар Нийслэлийн замын хөгжлийн газрын дарга Б.Одбаяраас тодрууллаа. 

Нийслэлийн замын хөгжлийн газрын дарга Б.Одбаяр:

-Өнөөдөр нийтдээ таван авто замыг хэсэгчлэн хааж, шинэчилж байна. Тодруулбал,

• Нарны зам буюу Улаанбаатар төмөр замын өртөөнөөс "Петролиум" ШТС хүртэлх авто замын урд эгнээг өнөөдөр буюу аравдугаар сарын 15-ны 22:00 цагаас хааж, 17-ны 06:00 цагт нээнэ.
• Баруун 4 замын уулзвараас Нарны зам хүртэлх авто замыг аравдугаар сарын 15-ны өдрийн 23:00 цагаас 18-ны өдрийн 06:00 цагийн хооронд хааж, шинэчилнэ.
• ”Хоум плаза"-гийн уулзвараас "И-Март" дэлгүүрийн уулзвар хүртэлх авто замыг аравдугаар сарын 15-ны өдрийн 22:00 цагаас 18-ны өдрийн 06:00 цагийн хооронд хааж, шинэчилнэ.
• Кино үйлдвэрийн баруунаас Доржийн гудамж хүртэлх зам
• Богд уулын арын авто зам буюу Скай ресортоос Их тэнгэр хүртэлх авто замыг аравдугаар сарын 21-ний 06:00 цагт нээнэ

Харин ирэх долоо хоногт зам засварын бүхий л ажлыг дуусгахаар төлөвлөөд байна. Түүнчлэн түгжрэлийг бууруулах үүднээс торгуулиа төлөөгүй автомашинуудыг замын хөдөлгөөнд оролцуулахгүй гэв.

---