Говь-Алтай аймгийн Есөнбулаг сумын Сутайхайрхан багт энэ сарын 13-ны өдрийн 18:00 цагийн орчимд бага насны хүүхэд гэрээсээ гараад сураггүй алга болсон тухай дуудлагыг онцгой байдлын байгууллага энэ сарын 14-ний өдрийн 00:45 цагт хүлээн авсан байна. 

Тус аймгийн Онцгой байдлын газрын Эрэн хайх, аврах салбар, Цагдаагийн газрын алба хаагчид, сумын Мэргэжлийн анги, ар гэрийнхэн 9 настай, эмэгтэй А-г эрэн хайх ажиллагааг зохион байгуулан ажиллаж, энэ сарын 14-ний өдрийн 10:50 цагт Есөнбулаг сумын Сутай хороонд айлд байсныг эсэн мэнд олсон тухай мэдээллийг аймгийн Цагдаагийн газраас ирүүлжээ. 

---