Аймаг, нийслэл, сум, дүүргийн Иргэдийн төлөөлөгчдийн хурлын 2024 оны ээлжит сонгуулийн санал хураалт өнөөдөр 07:00-20:00 цагийн хооронд улс орон даяар явагдаж, өндөрлөлөө.

Улсын хэмжээнд ирц 53.1 хувь, Улаанбаатар хотод 42.3 хувийн ирцтэйгээр орон нутгийн сонгуулийн санал хураалт хаагдлаа.

Насны ангиллаар нь авч үзвэл, 18-19 насны сонгогчдын ирц 30.8 хувь, 20-24 насны иргэд 27.7 хувь, 25-29 насны сонгогчид 28.9 хувь, 30-34 нас 35.5 хувь, 35-39 насны иргэдийн 41.1 хувь нь саналаа өгчээ. Түүнчлэн 40-44 насны иргэдийн 46 хувь, 45-49 насны иргэдийн 48.9 хувь, 50-54 насны иргэдийн 51.5 хувь, 55-59 насны иргэдийн 56.4 хувь, 60-64 насны иргэдийн 63.7 хувь, 65-69 насны иргэдийн 69.4 хувь нь тус бүр саналаа өгсөн бол 70-аас дээш насны иргэд 65.8 хувийг эзэлж байна.

Энэ удаагийн орон нутгийн сонгуульд 10 нам, нэг эвсэл болон бие даагч нар 8031 мандатын төлөө 17,278 нэр дэвшигч өрсөлдөж байна.

 

---